"İctimai nəqliyyatda ödənişlə bağlı problem həll olunub".
Bu barədə Oxu.Az-ın sorğusuna cavab olaraq Azərbaycan Yerüstü Nəqliyyat Agentliyinin mətbuat katibi Tural Orucov məlumat verib.
"K Group" MMC-nin operatoru olduğu sistemdə internet problemi səbəbindən metro və avtobuslarda bu gün saat 11:33-dən 12:15-dək onlayn ödəniş etmək mümkün olmayıb. Hazırda problem aradan qaldırılıb, sərnişinlər ödənişləri QR yaratmaqla həyata keçirə bilirlər", - deyə T.Orucov bildirib.
Bakıda ictimai nəqliyyatda ödəniş sistemində yenidən problem yaranıb.
Oxu.Az-a daxil olan məlumatda bildirilir ki, artıq bir saatdan çoxdur ki, ictimai nəqliyyatda QR-kodla ödəniş etmək mümkün deyil.
Məsələ ilə bağlı Azərbaycan Yerüstü Nəqliyyat Agentliyinə (AYNA) sorğu verilib.
Xatırladaq ki, mayın 9-da da analoji problem yaranmışdı.
Əzizə İsmayılova
