Bakıda qadınlara qeyri-etik təkliflər edən onlarla taksi sürücüsü məsuliyyətə cəlb olunub - RƏSMİ + VİDEO

Bakıda 29 taksi sürücüsü qadın sərnişinlərə qarşı qeyri-etik təkliflər edib.

Bu barədə Daxili İşlər Nazirliyinin Mətbuat Xidməti məlumat yayıb.

Bildirilib ki, paytaxtda polis əməkdaşları tərəfindən keçirilən tədbirlər nəticəsində cari ilin noyabr ayı ərzində müxtəlif taksi şirkətlərinin sürücüləri tərəfindən 31 hüquqpozma faktı qeydə alınıb.

Onlardan 1 fakt üzrə narkotik vasitələrin qanunsuz dövriyyəsi, 1 fakt üzrə oğurluq cinayəti, 29 fakt üzrə qadın sərnişinlərə qarşı qeyri-etik təkliflərlə bağlı olub.

Qeyd edək ki, törədilən və texniki vasitələrlə qeydə alınan hüquqpozma halları ilə bağlı 29 sürücü inzibati məsuliyyətə, 2 sürücü isə cinayət məsuliyyətinə cəlb edilib.

Digər faktlar üzrə hazırda araşdırmalar davam etdirilir.

Bakıda qadınlara qeyri-etik təkliflər edən onlarla taksi sürücüsü məsuliyyətə cəlb olunub - RƏSMİ + VİDEO