Bakıda 77 yaşlı ana yeganə övladı tərəfindən küçəyə atılıb.
Oxu.Az Aznews.az-a istinadən xəbər verir ki, hadisə paytaxtın Nərimanov rayonunda qeydə alınıb.
“Təmiz dünya” İctimai Birliyinin sığınacağına yerləşdirilən qadının səhhətində problemlər var.
Birlik nümayəndələri dəfələrlə yaşlı qadının ailəsi ilə əlaqə yaratsalar da, ailə qadını evə qəbul etməkdən imtina edib:
“Həmin qadını qocalar evinə yerləşdirmək mümkün deyil, çünki özü bunu istəmir. Digər tərəfdən qızı olduğuna görə onun da icazəsi lazımdır. Hələlik sığınacaqda yerləşdirilən 77 yaşlı qadının yaddaşında da bəzi problemlər var.
Ona görə də digər qohumlarının müəyyənləşdirmək çətinlik törədir. Qadının dediyinə görə ancaq bir övladı var. Onunla da dəfələrlə əlaqə yaradılıb və qızı bildirib ki, anası ilə bir evdə yaşamaq mümkün deyil. Hazırda qadının həmin evdə qeydiyyatda olub-olmaması və digər qohumları ilə bağlı məsələlər dəqiqləşdirilir”.
