Azərbaycanda yaşı 30-dan aşağı olan şəxslərin ev təsərrüfatlarında ən çox mobil telefon, televizor və soyuducu-dondurucuya rast gəlinir.
Oxu.Az xəbər verir ki, bu məlumat Dövlət Statistika Komitəsinin hesabatında yer alıb.
Bildirilib ki, hər 100 ev təsərrüfatına 216.9 mobil telefon düşür. Televizorların sayı 107.1, soyuducu və dondurucuların sayı isə 105.3 təşkil edir.
Bundan başqa, hər 100 ev təsərrüfatına 66 kompüter, 90 paltaryuyan maşın və 86.6 tozsoran düşür.
Araşdırmaya görə, gənclərdən ibarət ev təsərrüfatlarında mikrodalğalı sobalar və tikiş və ya toxuculuq maşınları daha az yayılıb. Belə ki, hər 100 ev təsərrüfatına 15.9 mikrodalğalı soba, 14 tikiş və ya toxuculuq maşını düşür.
Qeyd edək ki, göstəricilər hər 100 ev təsərrüfatına düşən avadanlıqların sayını əks etdirir. Buna görə də mobil telefonların sayının 100 ev təsərrüfatına 216.9 olması hər təsərrüfatda orta hesabla iki telefondan çox olduğunu göstərir.
