Göygöldə dəhşətli qəza: Ölən və yaralananlar var

Göygöldə ölümlə nəticələnən yol-nəqliyyat hadisəsi baş verib.

APA-nın yerli bürosunun məlumatına görə, hadisə Bakı-Qazax magistral yolunun Göygöl ərazisindən keçən hissəsində qeydə alınıb.

"Hyundai" və VAZ-2106 markalı avtomobillərin toqquşması nəticəsində VAZ-2106 markalı avtomobilin sürücüsü - 1992-ci il təvəllüdlü R.Muradov aldığı xəsarətdən dünyasını dəyişib.

Qəza zamanı daha 4 nəfər - 1986-cı il təvəllüdlü T.Babayev, 1989-cu il təvəllüdlü N.Həsənova, Samux rayon sakini 1995-ci il təvəllüdlü Ə.Aslanov və 1992-ci il təvəllüdlü E.Həsənzadə müxtəlif dərəcəli xəsarətlər alıblar.

Yaralılar Göygöl Mərkəzi Rayon Xəstəxanasına çatdırılıblar.

Faktla bağlı araşdırma aparılır.