"Lökbatan-Güzdək avtomobil yolunda alternativ yolun bərpası istiqamətində zəruri işlər görülür".
Bunu Oxu.Az-a açıqlamasında Avtomobil Yolları Dövlət Agentliyinin (AAYDA) Mətbuat Xidmətinin rəhbəri Anar Nəcəfli deyib.
O bildirib ki, son günlərdə müşahidə olunan intensiv yağıntılar nəticəsində qeyd olunan ərazidə sel suları suötürücü keçidin giriş və çıxış hissələrini yuyub:
"Hadisə baş verən kimi dərhal əraziyə agentliyin əməkdaşları cəlb olunublar. Əlavə təhlükəsizlik tədbirləri görülüb, vəziyyət nəzarətə götürülüb. Hazırda müvəqqəti alternativ yolun bərpası istiqamətində zəruri işlər görülür".
Bakı şəhərinin Qaradağ rayonunda körpünün uçması sakinlərin həyatını çətinləşdirib və narazılığa səbəb olub.
Oxu.Az xəbər verir ki, vətəndaşların bildirdiyinə görə, körpü bir ildir bu vəziyyətdədir.
Onlar iddia ediblər ki, Lökbatan-Güzdək avtomobil yolunda olan körpünün bərpası istiqamətində bu müddətdə hər hansı iş görülməyib:
"Yol bağlıdır, giriş-çıxış yoxdur".
Məsələ ilə bağlı aidiyyəti üzrə sorğu ünvanlanıb.
Ərazidən görüntünü təqdim edirik:
