"Bəzi dövlət qurumları statistik məlumatlarını paylaşmaqdan yayınırlar".
Oxu.Az xəbər verir ki, bunu Azərbaycan Qiymətləndiricilər Palatasının sədri Nüsrət İbrahimov rəhbərlik etdiyi qurumun illik mətbuat konfransında deyib.
O bildirib ki, qiymətləndirmə sektorunun əsas problemlərindən biri etibarlı məlumat bazasının olmamasıdır:
"Bu isə bazarın real vəziyyətinin müəyyənləşdirilməsini və obyektiv qiymətləndirmələrin aparılmasını çətinləşdirir:
"Bu problemlər arasında qiymətləndirmə üçün zəruri olan etibarlı və geniş məlumat bazasının olmaması xüsusi yer tutur. Qiymətləndiricilər hazırda satışa çıxarılan əmlaklar üzrə açıq mənbələrdə yerləşdirilən məlumatlardan istifadə edirlər. Yəni, elanlar və s. məlumatlardan. Beynəlxalq qiymətləndirmə standartlarına uyğun fəaliyyət üçün real bazar əməliyyatları və statistik göstəricilər əsasında formalaşdırılmış məlumat bazasına ehtiyac var".
