"Ətraf mühitin mühafizə olunması istiqamətində müasir yanaşmalar tətbiq olunur".
Oxu.Az xəbər verir ki, bunu ekologiya və təbii sərvətlər nazirinin müavini Rauf Hacıyev Azərbaycan Uşaqlarının VI Ümumrespublika Forumunda deyib.
O bildirib ki, hazırda ölkədə yeni iqlim strategiyasının hazırlanması yönündə işlər görülür. Yaşıl iqtisadiyyata keçmə yönündə addımlar atılır.
"Uşaqları iqlim dəyişikliyinin təsirlərindən qorumaq üçün investisiya vacibdir. Gələcəkdə gənclərimiz ekoloji hüquqları prioritet kimi qəbul edəcəklər. Gənclərin iqlim dəyişikliyi ilə mübarizədə fəal iştirakı günümüzün ən vacib məsələlərindən biridir", - deyə o əlavə edib.
Məhərrəm Əliyev
