Yevlaxda baş verən qəzada xəsarət alan şəxslərin son durumu AÇIQLANDI

Yevlaxda mikroavtobusla minik avtomobilinin toqquşması nəticəsində xəsarət alanların son vəziyyəti açıqlanıb.

Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, hazırda beş nəfərin müalicəsi davam etdirilir.

"Martın 28-i, saat 10:30-da altı nəfər (biri kişi, beşi qadın cinsli) Mingəçevir Şəhər Mərkəzi Xəstəxanasının Təcili tibbi yardım şöbəsinə hospitalizasiya olunublar.

Müxtəlif bədən xəsarətləri alan şəxslərə zəruri tibbi yardımlar göstərilib. Vəziyyəti qənaətbəxş olan bir nəfər ambulator müalicə üçün evə buraxılıb.

Bir nəfərin vəziyyəti orta ağır, digərlərinin vəziyyətləri isə stabil qiymətləndirilir", - deyə məlumatda bildirilir.

Əzizə İsmayılova

12:04

Yevlaxda mikroavtobusla minik maşını toqquşub, xəsarət alanlar var

Oxu.Az "Report"a istinadən xəbər verir ki, hadisə rayonun Əxşəm kənd yolunda qeydə alınıb.

Mikroavtobusla "VAZ" markalı avtomobilin toqquşması nəticəsində azı beş nəfər - 2003-cü il təvəllüdlü Nuray Kərimova, 1984-cü il təvəllüdlü Jalə Süleymanova, 1977-ci il təvəllüdlü Nurlana Məmmədova, 1995-ci il təvəllüdlü Vüsal Məmmədov və 1990-cı il təvəllüdlü Arzu Həmidova xəsarət alıb.

Zərərçəkənlər Mingəçevir Mərkəzi Şəhər Xəstəxanasına çatdırılıb.

Faktla bağlı araşdırma aparılır.