2024-cü - Yeni ilin gəlişi və Dünya Azərbaycanlılarının Həmrəyliyi Günü münasibətilə “Aqro-Vest” Şirkətlər Qrupu Bakı şəhəri və ətraf qəsəbələrdə yaşayan 100 şəhid ailəsinə gündəlik qida məhsullarından ibarət bağlamalar verib. Bir aydır bu yardıma hazırlaşan şirkət əməkdaşları ləyaqətlə qarşıya qoyulan işin öhdəsindən gəliblər.
Şirkətin əməkdaşları II Qarabağ müharibəsi şəhidlərinin ailə üzvlərinin yaşadıqları ünvanlara gedib, böyük minnətdarlıq duyğusu ilə bayram yardımı bağlamalarını verib, onlarla doğma söhbət ediblər.
Əməkdaşlar “Aqro-Vest” Şirkətlər Qrupunun xeyriyyəçiliyə böyük önəm verdiyini, bu kimi addımların Vətən torpaqları uğrunda öz canından keçmiş şəhidlərimizin ruhu qarşısında kiçik insani borc olduğunu bildiriblər.
Qeyd edək ki, “Aqro-Vest” Şirkətlər Qrupu 44 günlük II Qarabağ müharibəsində cəbhədə vuruşan əsgər və zabitlərimizin yanında olub, ümummilli qələbəmizin qazanılması üçün maddi yardımını əsirgəməyib.
Eləcə də, bu il şirkətlər qrupu 1 İyun Uşaqların Beynəlxalq Müdafiəsi Günü ilə əlaqədar olaraq Sabunçu rayonu ərazisində yaşayan II Qarabağ müharibəsi şəhidlərinin ailə üzvlərinə ərzaq yardımı və uşaqlarına isə oyuncaqlar verib.
“Aqro-Vest” Şirkətlər Qrupu olaraq şəhidlərimizə Allahdan rəhmət, ailə üzvlərinə səbir və cansağlığı diləyirik!
Rəylər