Əməkdar artist Dilarə Əliyeva "OBA"nın siması oldu

Azərbaycanın Əməkdar artisti, sevilən aktrisa Dilarə Əliyeva "OBA" marketlər şəbəkəsinin siması seçilib. Bu əməkdaşlıq aktrisanın geniş tamaşaçı auditoriyası ilə olan isti münasibətlərini daha da gücləndirir. Onun "OBA" ilə əməkdaşlığı çərçivəsində aktrisa markanın siması kimi endirim kampaniyalarını, yeni məhsulların təqdimatını və digər yenilikləri "OBA" müştərilərinə çatdıracaq.

Əməkdaşlığın ilk videosu "OBA" marketlər şəbəkəsinin sosial media platformalarında paylaşılıb və böyük marağa səbəb olub. Videoda aktrisa "Obadan çıxmışam, elə "OBA"nı da bəyənirəm" deyərək, özünəməxsus yumor və cazibəsi ilə tamaşaçıların qəlbini fəth edib. Reklam çarxlarında o, yaratdığı müxtəlif obrazlarla yaxın qonşular olan müştəriləri qənaətin ünvanı olan "OBA"ya dəvət edib.

Dilarə Əliyevanın yaradıcılığına gəldikdə isə o, Azərbaycan teatr və kinosunun ən parlaq simalarından biridir. Aktrisa uzun illər ərzində teatr səhnəsində və televiziya ekranlarında nümayiş etdirdiyi istedadı ilə tamaşaçıların dərin rəğbətini qazanıb. Dilarə Əliyeva müxtəlif rollar vasitəsilə zəngin xarakterlər palitrasını yaradıb və milli mədəniyyətin təbliğinə əhəmiyyətli töhfələr verib.

Onun iştirak etdiyi teatr tamaşaları və filmlər arasında sosial problemləri əks etdirən ciddi rollar, həmçinin komediya janrında yaratdığı yaddaqalan obrazlar yer alır. Dilarə Əliyeva yaradıcılığında həm klassik, həm də müasir əsərlərin qəhrəmanlarına həyat verərək, geniş tamaşaçı auditoriyasını əhatə etməyi bacarıb. Onun incə ustalığı və təbii aktyorluq qabiliyyəti həm peşəkar tənqidçilər, həm də izləyicilər tərəfindən yüksək qiymətləndirilir.

Veysəloğlu Şirkətlər Qrupuna daxil olan "OBA" marketlər şəbəkəsi ölkənin dörd bir yanında - 1515 ünvanda müştərilərinə sərfəli qiymətlərlə xidmət edir. "OBA" "yaxın qonşu" və "qənaətin məkanı" şüarını əsas götürərək, əlçatan və keyfiyyətli alış-veriş üçün müştərilərinə geniş seçim imkanı yaradır. Dilarə Əliyevanın markanın siması olması isə bu brendin ailəvi və isti imicini daha da gücləndirir.

Beləliklə, bu əməkdaşlıq həm aktrisanın sevənlərinə, həm də "OBA" müştərilərinə xoş təəssüratlar bəxş etmiş olacaq.

Əməkdar artist Dilarə Əliyeva "OBA"nın siması oldu