17 may, 2024 / 14:27 782

M4 prosessorlu iPad Pro və M2 prosessorlu iPad Air modellərində öncədən sifariş başladı! - FOTO

Uzun müddətdir gözlədiyimiz an yetişdi!

17 may tarixindən etibarən Apple-ın yeni iPad Pro və iPad Air modellərinin Azərbaycanda öncədən sifarişi başlayır.

Yeni iPad Pro və iPad Air-in satışları Apple-ın rəsmi tərəfdaşları tərəfindən 24 may tarixindən etibarən həyata keçiriləcək. Lakin bu gündən etibarən hər kəs rəsmi cihazın ilk sahiblərindən biri olmaq üçün öncədən sifariş verə bilər.

Öncədən sifarişdə və rəsmi satışın ilk üç günündə alıcıları xüsusi təkliflər gözləyir. Ön sifariş zamanı siz iPad Air modelini 80 AZN qənaətlə 1 489 AZN-ə, iPad Pro modelini isə 80 AZN qənaətlə 2 489 AZN-ə əldə edə bilərsiniz. Üstəlik Apple Pencil 50%-dək qənaətlə təklif olunur.

iPad Pro - Apple-ın ən incə cihazı, yenilikçi ekrana və M4 çipinin üstün performansına malikdir.

2024-cü ildə çıxacaq yeni iPad Pro gözləntiləri doğrultmaqla yanaşı, həm də onları üstələdi. Geekbench testlərinin ilk nəticələrinə görə, yenilikçi M2 çipi MacBook Pro ilə müqayisə edilə bilən nəticələr göstərir. Apple-ın ilk M4 çipli cihazı olan iPad Pro 2024 əvvəllər yalnız kompüterlərdə mövcud olan yüksək həcmli tətbiqlərin istifadəsi üçün yeni üfüqlər açır.

Dizayn yenilikləri 11 düyümlük iPad Pro-nu daha da incə - 5.3 mm etdi. Halbuki 13 düyümlük modelin qalınlığı yalnız 5.1 mm-dir. Bu, Apple ın indiyədək istehsal etdiyi ən incə cihazdır. Bu da onu hər zaman hərəkətdə olan insanlar üçün mükəmməl bir yoldaş edir.

Yeni iPad Pronun Ultra Retina XDR ekran texnologiyası parlaqlığı və rəng dəqiqliyini əhəmiyyətli dərəcədə yaxşılaşdırır, bu texnologiya müstəsna kontrast və dərin qara rəng təmin edir. Bütün bunlar yüksək keyfiyyətli görüntüləri təmin edir, həm də yaradıcı sənaye peşəkarları üçün bluminq problemini həll edir.

Bu modeldə kamera və səs sistemi də yeniləndi: LiDAR skaneri, studiya keyfiyyətli mikrofonlar və dörd dinamik 4K ProRes formatında video çəkməyə və cihazda redaktə etməyə imkan verir. Video zənglər yeni üfüqi ön kamera sayəsində daha rahatdır.

Yeni iPad Pro M4 boz və gümüşü rənglərdə təqdim olunur.

Model kompaktlığı qiymətləndirənlər üçün 11 düyümlük və böyük ekran sevənlər üçün 13 düyümlük iki ölçüdə mövcuddur.

İndi isə yeni iPad Air haqqında danışaq.

Yeni iPad Air yüngül və zövqlü dizaynı, rahat daşınılma özəlliyi ilə seçilir. Yeni iPad Airdə ən əhəmiyyətli yenilənmələrdən biri peşəkar proqram təminatı və qrafik cəhətdən böyük həcmli oyunlar üçün ən çətin vəzifələri yerinə yetirməyə hazır olan Apple M2 çipinin tətbiqidir.

Tarixdə ilk dəfə olaraq iPad Air modelinin 13 düyümlük versiyası təqdim olunur. Həm iş, həm də əyləncə üçün böyük ekranın mövcudluğu rahatlıq təmin edir. iPad Air modeli xüsusilə, dizaynerlər, videoqraflar, görüntü keyfiyyətini və istifadə rahatlığını qiymətləndirən hər kəs üçün mükəmməl bir vasitədir.