Yetkinlik yaşına çatmayanların cinsi istismarında ittiham olunan məşhur reper Şon Kombs (P.Diddi) və maliyyəçi Cefri Epşteynin işlərinə baxan prokuror Moren Komi Manhetten prokurorluğunda işindən uzaqlaşdırılıb.
Oxu.Az-ın xəbərinə görə, bu barədə öz mənbələrinə istinadən ABC kanalı məlumat yayıb.
"ABŞ Ədliyyə Departamenti çərşənbə günü Nyu-Yorkun Cənub Bölgəsi üzrə Prokurorluğundan Moren Komini işdən çıxarmaq qərarına gəlib. O, əvvəllər Şon "Diddi" Kombsun mühakimə olunmasına rəhbərlik edib", - deyə telekanalın bəyanatında bildirilib.
Məlumdur ki, həm də keçmiş FTB direktoru Ceyms Kominin qızı Moren Epşteynin keçmiş tərəfdaşı Qisleyn Maksvelli uğurla mühakimə edən ABŞ vəkilinin köməkçisi idi. Onun işdən çıxarılma səbəbləri açıqlanmır.
