ABŞ-nin Nyu-York ştatında 64 yaşlı qadın qızını və dörd azyaşlı nəvəsini zəhərləyib.
Oxu.Az xəbər verir ki, bu barədə "Daily Star" məlumat yayıb.
Qeyd olunub ki, nənə qızını və azyaşlı nəvələrini qəsdən zəhərləməkdə şübhəli bilinir. İstintaq zamanı evdə çoxlu sayda dərman preparatı və əlyazma şəklində məktub aşkarlanıb. Bu dəlillər digər materiallarla birlikdə hadisənin qəsdən törədildiyini deməyə əsas verir.
Mütəxəssislər, həmçinin uşaqlardan birinin iti alətlə vurulan zərbə nəticəsində ölümcül xəsarət almış ola biləcəyini qeyd ediblər. Ölümün dəqiq səbəbləri hələlik rəsmən təsdiqlənməyib, hazırda toksikoloji və məhkəmə-tibbi ekspertizalar davam etdirilir.
Polis hadisədə kənar şəxslərin iştirakına dair heç bir əlamətin olmadığını bildirib. Araşdırma davam edir.
