Konqoda bir neçə ölkənin səfirliyinə hücum edilib

Konqo Demokratik Respublikasının (DRC) paytaxtı Kinşasada ABŞ səfirliyindən başqa bir neçə diplomatik missiyaya da hücum edilib.

Oxu.Az-ın xəbərinə görə, bu barədə xarici KİV-də məlumat yayılıb.

Məlumata görə, səfirlikləri hücuma məruz qalan ölkələr arasında Ruanda, Fransa, Belçika, Uqanda və Keniya da var.

Bildirilir ki, polis etirazçılara qarşı gözyaşardıcı qazdan istifadə edib.

Xatırladaq ki, yanvarın əvvəlində Konqoda "23 mart hərəkatı" (M23) qiyamçı qruplaşması ölkənin şərq hissəsində fəaliyyətini gücləndirib. Yanvarın 27-də üsyançıların lideri Kornel Nanqaa Qoma şəhərini nəzarətə götürdüklərini açıqlayıb. Ötən gün Qoma şəhərində "M23 hərəkatı" ilə Konqo ordusu arasında baş verən toqquşmalarda azı 17 nəfər ölüb, 370-ə yaxın adam yaralanıb.

13:26

Konqo Demokratik Respublikasının paytaxtı Kinşasada ABŞ səfirliyi ərazisində yanğın baş verib.

Oxu.Az-ın xəbərinə görə, bu barədə "Baza" "Telegram" kanalı öz mənbəsinə istinadən məlumat verib.

Məlumata görə, yerli hökuməti dəstəkləyən insanlar ABŞ diplomatik missiyasının binasına yanan təkərlər atıblar. Eyni zamanda fəallar "imperialistlərə ölüm" şüarlarını səsləndiriblər.

"Baza"nın abunəçilərindən birinin hadisə yerindən göndərdiyi kadrlarda səfirliyin ərazisindən yayılan qalın tüstü sütunları görünür. Ətrafa çox sayda yerli sakin toplaşıb və cib telefonları ilə videolar çəkirlər. Səfirliyin əməkdaşları mühafizə xidməti vasitəsilə qorunmağa və yanğını söndürməyə çalışırlar.

Təhlükəsizlik səbəbi ilə artıq əcnəbilərin hotellərdən çıxmasına icazə verilmir.

Qeyd edək ki, ölkənin paytaxtı Ruanda ilə sərhədə yaxın Qoma şəhərindən 1600 kilometr aralıda yerləşir ki, bu bölgə üsyançılar tərəfindən işğal olunub. "23 mart hərəkatı" (M23) ölkənin şərqindəki Şimali Kivuda böyük əyalət mərkəzinə nəzarəti ələ keçirdiyini bəyan edib.

Konqoda bir neçə ölkənin səfirliyinə hücum edilib

Konqoda bir neçə ölkənin səfirliyinə hücum edilib