Amerikanın "OpenAI" şirkətinə məxsus xidmətlərin, o cümlədən "ChatGPT"nin fəaliyyətində genişmiqyaslı nasazlıqlar qeydə alınıb.
Oxu.Az xəbər verir ki, bu barədə "Downdetector" platforması məlumat yayıb.
Məlumata görə, ən çox şikayət Böyük Britaniyadan daxil olub - 7 600-dən çox istifadəçi xidmətdən istifadə zamanı problemlə qarşılaşdığını bildirib.
Bundan əlavə, nasazlıqlar Almaniyada (5 800), Fransada (3 600), İspaniyada (2 100), ABŞ-də (1 800) və Belçikada (1 300) qeydə alınıb.
"OpenAI" şirkətinin çatbotu "ChatGPT"nin işində nasazlıqlar yaranıb.
Oxu.Az bu barədə Downdetector.ru saytına istinadən xəbər verir.
Qeyd olunur ki, mindən çox istifadəçi çatbotla bağlı problemlər barədə məlumat verib.
İnsanlar şəxsi hesablarına daxil olmaqda problemlərdən, veb saytların sıradan çıxmasından və "ChatGPT"nin sorğulara cavab verməsinin uzun müddət çəkməsindən şikayətləniblər. Ən çox şikayət Niderlanddan (6%), ABŞ-dən (5%) və Almaniyadan (4%) daxil olub.
Qeyd edək ki, "ChatGPT"də sonuncu dəfə nasazlıqlar 2025-ci ilin dekabrında baş verib.
