Çində "Matmo" tayfunu nəticəsində Haynan adasının Vençan şəhərində küçələri su basıb.
Oxu.Az "Xinhua" agentliyinə istiandən xəbər verir ki, evlərin və mağazaların birinci mərtəbələri yarım metrədək suyun altında qalıb.
Bəzi rayonlarda elektrik enerjisi və su təchizatında fasilələr yaranıb, məktəblərdə dərslər, hava əlaqəsi və ictimai nəqliyyatın hərəkəti dayandırılıb. Hadisə yerində xilasedicilər işləyirlər.
Çinin Milli Rəsədxanası tayfun səbəbindən qırmızı (ən yüksək) təhlükə səviyyəsini elan edib.
Çinin Haynan əyalətində "Matmo" tayfunu səbəbindən təqribən 144 min nəfər təxliyə olunur.
Oxu.Az bu barədə "Xinhua" agentliyinə istinadən xəbər verir.
Onlardan artıq 114 mini təhlükəsiz yerə köçürülüb.
Bildirilir ki, tropik siklon əyalətin şimal-şərqindən keçib və tezliklə qonşu Quandun əyalətinin sahillərinə çatacaq.
Sahilə çatanda küləyin sürətinin saniyədə 42-48 metr təşkil edəcəyi gözlənilir. Tayfunla əlaqədar Quandunda güclü yağışların yağacağı proqnozlaşdırılır.
