"Həyat Təhrir əş-Şam" (HTŞ) silahlı qruplaşmasının lideri Əbu Muhəmməd əl-Culani Suriyanın yeni müharibəyə qoşulmayacağını açıqlayıb.
Oxu.Az xəbər verir ki, Culani bu barədə "Sky News" telekanalına müsahibəsində deyib.
O, ölkənin növbəti qarşıdurmaya hazır olmadığını qeyd edib.
"Xalq müharibədən tükənib. Ona görə də ölkə növbəti müharibəyə hazır deyil və müharibəyə qarışmaq niyyəti də yoxdur. Bizim ən böyük təhlükəmiz "Hizbullah", Suriyada İranın dəstəklədiyi silahlı birləşmələr və rejim idi", - deyə Əbu Muhəmməd əl-Culani vurğulayıb.
