"Ebola qızdırması növbəti pandemiyanın mənbəyi olmayacaq, çünki bu virus hava-damcı yolu ilə insandan insana keçmir".
Oxu.Az Rusiya mətbuatına istinadən xəbər verir ki, bunu akademik Gennadi Onişşenko mətbuat konfransında bildirib.
Rusiyalı mütəxəssisin sözlərinə görə, Ebola qlobal pandemiya törətmək potensialına malik deyil. Çünki kütləvi yayılma üçün infeksiya mütləq hava-damcı vasitəsilə ötürülməlidir:
"İstənilən infeksiyanın özünəməxsus dövriliyi mövcuddur. Əvvəlki epidemiya təqribən on il bundan əvvəl qeydə alınmışdı. İndi isə həmin ssenari təkrarlanır".
O, həmçinin vurğulayıb ki, Konqo Demokratik Respublikasını (KDR) təmsil edən idmançıların futbol üzrə dünya çempionatında (DÇ-2026) iştirakı Ebola qızdırmasının kütləvi yayılması təhlükəsi yaratmır.
