Ekrem İmamoğlunun diplomu niyə ləğv edildi? - Detallar bəlli oldu

İstanbul Universitetinin içərisində İstanbul bələdiyyəsinin sədri Ekrem İmamoğlunun da olduğu 28 nəfərin diplomlarının ləğv edilməsinin səbəbləri məlum olub.

Oxu.Az "Anadolu"ya istinadən xəbər verir ki, universitetin hazırladığı hesabata görə, qərara səbəb keçid edən şəxslərin orta balının 2.40-dan yuxarı olmaması, keçidlərin "FF" qeydinə sahib olması göstərilib.

İmamoğluna gəlincə, onun təhsil aldığı Girne Amerika Universitetin İstanbul Universitetinin reyestr siyahısında olmayıb. Həmçinin onun İstanbul Universitetinə kvota xaricində keçdiyi və təhsil aldığı Girne Amerika Universiteti əvəzinə Doğu Akdeniz Universitetindən gəldiyinin qeyd edildiyi üzə çıxıb.