Hondurasda təyyarə qəzası: Ölənlərin sayı artdı

Hondurasda sərnişin təyyarəsinin dənizə düşməsi nəticəsində azı 12 nəfər həlak olub.

Oxu.Az-ın verdiyi məlumata görə, bu barədə ölkənin Milli Polisinin "X" sosial şəbəkə hesabında xəbər verilib.

Bildirilib ki, bundan başqa beş nəfər xilas edilib və xəstəxanalara yerləşdirilib.

Daha bir nəfərin axtarışı davam etdirilir.

11:16

Hondurasda sərnişin təyyarəsi qəzaya uğrayıb, ölənlər və yaralananlar var.

Oxu.Az bu barədə "El Heraldo"ya istinadən xəbər verib.

Bildirilir ki, "Lanhsa" aviaşirkətinə məxsus iki mühərrikli turbovintli "Jetstream 32" təyyarəsi ölkənin qərbindəki Roatan adasından qalxdıqdan dərhal sonra dənizə düşüb.

Təyyarədə 17 nəfər olub, onlardan ən azı altı nəfəri həlak olub.

Hondurasda təyyarə qəzası: Ölənlərin sayı artdı

Məlumata görə, Xuan Manuel Qalves adına hava limanı hadisədən sonra fəaliyyətini dayandırıb.

Həlak olanlardan dördü qadın, ikisi kişidir. Hamısı ehtimal ki, sərnişinlərdir. Bir neçə nəfərin xilas edildiyi, onların sudan çıxarılaraq xəstəxanalara çatdırıldığı vurğulanır.

Ölənlər arasında Hondurasda qarifuna musiqisinin aparıcı nümayəndələrindən Aurelio Martinez Suaso da var.

"Xuan Manuel Qalves adına hava limanında baş verən təyyarə qəzasında həlak olanlardan biri Hondurasda qarifuna musiqisinin ən böyük ifaçılarından olan Aurelio Martinez Suasodur", - deyə Roatan xəstəxanasından bildirilib.

Axtarış işləri davam edir. Qəzanın səbəbi hələlik məlum deyil.