Avropa Komissiyası (AK) Avropa Parlamentində (AP) Çin texnoloji şirkətinin xeyrinə ola biləcək korrupsiya faktları ilə bağlı araşdırmadan sonra işçilərin Çinin "Huawei" şirkəti ilə əlaqəsi olan təşkilatların nümayəndələri ilə görüşməyi qadağan edib.
Oxu.Az xəbər verir ki, bu barədə "Politico" qəzeti mənbələrə istinadən məlumat verib.
Belçika prokurorlarının Çin korporasiyasının paytaxt Brüsseldə fəaliyyəti ilə bağlı korrupsiya işi üzrə araşdırmaya başlamasından bir neçə gün sonra, mart ayında "Huawei" rəsmiləri ilə təmasları və görüşləri qadağan edib. Bəyanatda qadağanın "Huawei" adından fəaliyyət göstərən istənilən vasitəçilərə şamil edildiyi açıqlanıb.
Belçikalı müstəntiqlər mart ayında 2021-ci ildə AP-nin səkkiz deputatına onu dəstəkləmək məqsədilə açıq məktub yazmaq üçün pul ödədiyi iddia edilən şirkətlə bağlı araşdırmaya başlayıblar. Həmin ilin fevral ayında üç Aİ komissarı səkkiz AP üzvündən məktub alıb ki, Aİ və Çin arasında geosiyasi gərginlik cəmiyyətdə 5G şəbəkələrinin inkişafına təsir göstərməməlidir. Nəşr qeyd edir ki, 5G işi üzrə materiallarda adı çəkilən bu mesaj Çin korporasiyasının maraqları üçün lobbiçiliyin əsas sübutu hesab olunur, baxmayaraq ki, "Huawei"in orada birbaşa adı çəkilmir.
