İran ABŞ helikopterinin vurulmasını planlaşdırmayıb.
Oxu.Az xəbər verir ki, "Al Arabiya" telekanalının məlumatına görə, İran tərəfi vasitəçilərə hadisənin "qəsdən edilmədiyini" çatdırıb və insidentin səhvən baş verdiyini bildirib.
Məlumatda qeyd olunur ki, Tehran diplomatik xətti davam etdirmək niyyətindədir və ABŞ ilə danışıqlardan imtina etmir.
Xatırladaq ki, daha əvvəl ABŞ Prezidenti Donald Tramp helikopterin İran tərəfindən vurulduğunu və Vaşinqtonun cavab verməyə məcbur olacağını bildirmişdi.
Sonradan yayılan məlumatlarda hadisənin İran dronu tərəfindən baş verdiyi iddia olunsa da, tərəflər arasında ziddiyyətli versiyalar qalmaqdadır.
