Təhlükəli vəziyyətlə əlaqədar İran ərazisindən Azərbaycana keçmiş 117 Rusiya vətəndaşı Rusiya Fövqəladə Hallar Nazirliyinin "İl-76" təyyarəsi ilə ölkələrinə yola salınıblar.
Oxu.Az bildirir ki, bu barədə TASS agentliyinə nazirlikdən məlumat verilib.
"Təyyarə Azərbaycanın Lənkəran hava limanından havaya qalxıb. Rusiya FHN-in xüsusi təyyarəsi Azərbaycandan 117 Rusiya vətəndaşını, o cümlədən 54 uşağı Moskvaya çatdırır", - deyə məlumatda vurğulanır.
Rusiya Fövqəladə Hallar Nazirliyinin "İl-76" təyyarəsi Lənkəranda eniş edib.
Oxu.Az bu barədə TASS-a istinadən xəbər verir.
Qeyd olunur ki, xüsusi təyyarə İranı Azərbaycan vasitəsilə tərk etmiş Rusiya vətəndaşlarını aparacaq.
Təhlükəli vəziyyətlə əlaqədar İran ərazisindən Azərbaycana keçmiş Rusiya vətəndaşlarını vətənlərinə çatdırmaq üçün ölkələri tərəfindən təyyarə ayrılıb.
Oxu.Az xəbər verir ki, bu haqda Rusiya Fövqəladə Hallar Nazirliyinin mətbuat xidmətindən TASS agentliyinə açıqlama verilib.
Nazirliyin yaydığı məlumata əsasən, İran sərhədini quru yolla Azərbaycana keçən Rusiya vətəndaşlarının Moskvaya təxliyəsi məqsədilə Rusiya Fövqəladə Hallar Nazirliyinə məxsus təyyarə ilə xüsusi reys təşkil edilib. Hava gəmisi artıq yola düşüb.
Xatırladaq ki, fevralın 28-dən indiyədək İran istiqamətindən Azərbaycana 127 nəfər Rusiya vətəndaşı təxliyə olunub.
