ABŞ və İsrail İranı İraqdakı aviabazaya hücumda ittiham edib

İsrail Müdafiə Nazirliyinin rəhbəri Yoav Qalant və Pentaqonun rəhbəri Lloyd Ostin İraqın Eyn əl-Əsəd hava bazasına raket hücumunu və bu hücum nəticəsində bir neçə hərbçinin yaralanmasını "təhlükəli eskalasiya" kimi qiymətləndiriblər.

Oxu.Az xəbər verir ki, bu barədə Pentaqonun saytında yerləşdirilən məlumatda qeyd olunub.

Məlumatda həmçinin qeyd olunur ki, bu cür hücumlar İranın regionda sabitliyi pozan rolunu nümayiş etdirir.

08:56

ABŞ Müdafiə Nazirliyi Vaşinqtonun rəhbərlik etdiyi beynəlxalq koalisiya qüvvələrinin istifadə etdiyi İraqın Eyn əl-Əsəd hava bazasına edilən hücum nəticəsində bir neçə amerikalı hərbçinin yaralandığını təsdiqləyib.

Oxu.Az xəbər verir ki, bu barədə mətbuata açıqlamasında Pentaqon rəsmisi bildirib.

O əlavə edib ki, ABŞ Müdafiə Nazirliyi hadisə ilə bağlı yeni informasiya daxil olduqca daha ətraflı məlumat verəcək.