İspaniya polisi tərəfindən Atlantik Okeanında saxlanılan gəmidə 10 ton kokainin daşınması işi ilə bağlı Türkiyədə yeddi nəfər həbs edilib.
Oxu.Az xəbər verir ki, bu barədə Türkiyənin daxili işlər naziri Ali Yerlikaya məlumat verib.
Məlumata görə, İspaniya təhlükəsizlik qüvvələri tərəfindən keçirilən əməliyyat zamanı gəmidə dörd türk, bir serb, bir macar və yeddi hindli olmaqla 13 heyət üzvü saxlanılıb, 10 ton kokain müsadirə edilib.
"Eyni zamanda İstanbul, Mersin, Tekirdağ, Kocaeli, Sakarya və Hatayda əməliyyatlar aparılıb və yeddi şübhəli saxlanılıb", - deyə nazir "X" platformasındakı paylaşımında yazıb.
