İsrail aviasiyası "Hizbullah"ı maliyyələşdirən mərkəzlərə zərbələr endirib

İsrail Hərbi Hava Qüvvələrinə məxsus təyyarələr və pilotsuz uçuş aparatları Livanda "Hizbullah" hərəkatının fəaliyyətinə sponsorluq edən və onun tərəfdarlarına yardım göstərən maliyyə-kredit assosiasiyasının 16 ofis və filialına zərbələr endirib.

Oxu.Az bu barədə "Al Hadath" telekanalına istinadən xəbər verib.

Məlumatda qeyd olunub ki, Livan Mərkəzi Bankının nəzarəti altında olmayan bu maliyyə qurumlarının bütün ölkə üzrə 30-dan çox filialı var.

Bildirilib ki, sözügedən maliyyə assosiasiyasının xidmətlərindən bir milyondan çox sakin istifadə edib, onların əksəriyyəti ölkənin şiə icmasının nümayəndələridir.

İsrail aviasiyası "Hizbullah"ı maliyyələşdirən mərkəzlərə zərbələr endirib