Moskvada hakim qarşısına çıxarılan tanınmış azərbaycanlı vəkil həbs edildi

Keçmiş vəkil Elman Paşayev məhkəmənin müvafiq qərarı ilə Moskvada həbs edilib.

Bu barədə Oxu.Az Rusiya KİV-ə istinadən xəbər verir.

Məlumata görə, paytaxtın Hərbi Qarnizon Məhkəməsi Elman Paşayevi noyabrın 15-dək istintaq təcridxanasına göndərib.

15:18

Dələduzluqda ittiham olunan və ötən gün saxlanılan keçmiş vəkil Elman Paşayev və Moskva Qarnizonu Hərbi Məhkəməsinə gətirilib.

Bu barədə Oxu.Az Rusiya KİV-ə istinadən xəbər verir.

Məlumata görə, onun barəsində həbs qəti imkan tədbirinin seçilməsi planlaşdırılır.

Məlum olduğu kimi, Elman Paşayev xüsusilə külli miqdarda dələduzluqla (Rusiya Federasiyası Cinayət Məcəlləsinin 159-cu maddəsinin 4-cü hissəsi) bağlı cinayət işi üzrə təqsirləndirilən şəxs olub. Müstəntiqlərin sözlərinə görə, fevral ayında o, bloqer Yelena Blinovskayanın əri Alekseylə görüşüb və böyük məbləğ qarşılığında ər-arvadı cinayət məsuliyyətindən azad edəcəyinə söz verib. Söhbət ən azı 46 milyon rubldan (850 min manatdan çox) gedir.

Hazırda Aleksey Blinovski Paşayevə qarşı cinayət işinin istintaqında zərərçəkmiş tərəf hesab olunur.

Keçmiş vəkil Elman Paşayevin dələduzluq işi üzrə 10 il müddətinə həbs oluna biləcəyi bildirilir.

Moskvada hakim qarşısına çıxarılan tanınmış azərbaycanlı vəkil həbs edildi