ABŞ-nin keçmiş dövlət katibi Hillari Klinton Co Baydenin prezidentliyi zamanı onun siyasi qabiliyyəti ilə bağlı narahatlıqları olduğunu deyib.
Oxu.Az-ın "Fox News"a istinadən verdiyi məlumata görə, bu barədə Ağ Ev administrasiyasının keçmiş rəhbəri Ron Kleyn bildirib.
Məlumata görə, Kleyn Nümayəndələr Palatasının müstəntiqlərinə Klinton və Baydenin keçmiş milli təhlükəsizlik müşaviri Ceyk Sallivanın Co Baydenin siyasi cəhətdən yararlı olmaması ilə bağlı müraciəti barədə danışıb. Qeyd olunur ki, Klinton və Sallivan öz narahatlıqlarını Baydenin 2024-cü ilin iyulunda namizədliyini geri götürməsindən bir neçə ay əvvəl ifadə ediblər.
Kleyn isə Baydeni prezidentlik üçün kifayət qədər ağıllı saydığını, həmçinin namizədliyini irəli sürmək üçün çox da yaşlı olmadığını hesab etdiyini deyib. Kleynin Nümayəndələr Palatasının müstəntiqləri ilə söhbəti beş saatdan çox davam edib.
