Keçmiş sirk ustası Yevgeni Çernov Moskvada Nikoloyamskaya küçəsində baş verən və üç nəfərin ölümünə səbəb olan yanğın hadisəsi ilə əlaqədar saxlanılıb.
Oxu.Az xəbər verir ki, bu barədə "REN TV" özünün "Telegram" kanalında məlumat yayıb.
Xəbərə görə, onun mənzilində baş verən yanğının söndürülməmiş siqaretdən qaynaqlandığı ehtimal olunur.
Bundan başqa Moskvanın Nikoloyamskaya küçəsindəki çoxmənzilli binada baş verən yanğın nəticəsində ölənlərin sayı dördə çatıb. Bu barədə Moskva prokurorluğundan məlumat verilib.
Moskvanın mərkəzində baş verən yanğın nəticəsində üç nəfər ölüb, dörd nəfər yaralanıb.
Oxu.Az xəbər verir ki, bu barədə TASS agentliyi məlumat yayıb.
Rusiya Fövqəladə Hallar Nazirliyindən agentliyə verilən xəbərə görə, yanğın söndürülüb. Yanğın Nikoloyamskaya küçəsində yerləşən doqquzmərtəbəli yaşayış binasında baş verib. Yanğınsöndürmə və xilasetmə bölmələri beşi uşaq olmaqla 19 nəfəri xilas edib. Yanğınsöndürmə işlərinə 86 nəfər işçi heyət və 23 texnika cəlb olunub.
