Hindistanın Baş naziri Narendra Modi 24 yanvar 1966-cı ildən 24 mart 1977-ci ilədək ardıcıl 4 077 gün baş nazir vəzifəsini tutmuş İndira Qandinin (1917-1984) rekordunu geridə qoyaraq, hökumətin rəhbəri postunda 4 078 günlük həddi keçib.
Oxu.Az-ın xəbərinə görə, bu barədə NDTV kanalı məlumat verib.
Bu nailiyyəti ilə Narendra Modi ölkənin ilk hökumət başçısı Cəvahirləl Nehrudan sonra müstəqil Hindistan tarixində ikinci ən uzunmüddətli baş nazir olub.
Modi müstəqillik əldə edildikdən sonra doğulan ilk və yeganə baş nazirdir.
Narendra Modi 17 sentyabr 1950-ci ildə Bombay ştatının Vadnaqar şəhərində (1960-cı ildən - Qucarat ştatı, Hindistan) anadan olub. Modi 2014-cü ildən Hindistanın baş naziri vəzifəsini icra edir.
