Türkiyədə CHP-dən istefa verən Özgür Özel yeni partiyasının təsis edildiyini açıqlayıb.
Oxu.Az xəbər verir ki, bu barədə "Haber Global" məlumat yayıb.
Bildirilib ki, bu gün səhər saatlarında "YENİ Partiya" adlı siyasi birliyin təsis ərizəsinə imza atan Özgür Özel, "vətənə, millətə və hamımıza xeyirli olsun" ifadələrini işlədib.
Daha sonra partiya rəsmiləri quruluş ərizəsini Daxili İşlər Nazirliyinə təqdim ediblər.
"YENİ Partiya"nın təsis ərizəsində 91 millət vəkilinin imzası öz əksini tapıb.
"YENİ Partiya"nın loqosu da təqdim edilib.
Türkiyə Böyük Millət Məclisində (TBMM) 135 yerə sahib olan Cümhuriyyət Xalq Partiyasının (CHP) Özgür Özel də daxil olmaqla 91 deputatı siyasi birliyi tərk edib və partiyanın mandat sayı 44-ə qədər geriləyib.
Oxu.Az xəbər verir ki, bu barədə "Haber Global" məlumat yayıb.
Bildirilib ki, bununla da CHP, Türkiyə Böyük Millət Məclisindəki "ana müxalifət partiyası" statusunu itirəcək.
Məlumata görə, Özgür Özelin rəhbərlik etdiyi yeni siyasi təşkilat deputat sayına görə parlamentin yeni əsas müxalifət qüvvəsinə çevriləcək.
TBMM-in ümumi iclas zalında oturma qaydası tamamilə yenidən formalaşacaq və parlamentdəki qrupların sayı 7-yə çatacaq.
CHP-dən ayrılan qrupun siyasi fəaliyyət planı artıq tam aydınlaşıb. Yeni siyasi partiyanın yaradılmasının rəsmən elan olunacağı gözlənilir. Digər tərəfdən, partiyanın loqosunda gözmuncuğunun əks olunacağı deyilir.
