Pakistanın şimal-qərbindəki Hayber Paxtunxva əyalətində törədilən terror aktı nəticəsində azı beş yerli polis həlak olub.
Oxu.Az xəbər verir ki, məlumatı "The Express Tribune" nəşri yayıb.
Qaraqri Banda bölgəsində hüquq-mühafizə orqanlarının əməkdaşlarının olduğu avtomobil terrorçular tərəfindən atəşə tutulub.
Təhlükəsizlik qüvvələri hadisə yerini mühasirəyə alıb, antiterror əməliyyatı başlanıb.
Pakistanın Baş naziri Şahbaz Şərif polis əməkdaşlarına hücumu pisləyib və onların ailələrinə başsağlığı verib.
Qaraqri Bandada Pakistanın mühüm neft və təbii qaz yataqları yerləşir. Onlar ordunun və hüquq-mühafizə orqanlarının mühafizəsi altında işləyir. Silahlılar tez-tez neft-qaz obyektlərinə hücum edir, işçiləri oğurlayırlar.
