Qafqaz dağlarında güclü meşə yanğını: Bir qrup turist xilas edildi

Rusiya Fövqəladə Hallar Nazirliyinin (FHN) xilasediciləri bir qrup turisti Qafqazın "Dombay" kurortunda meşə yanğını baş verən ərazidən çıxarıblar.

Oxu.Az xəbər verir ki, bu barədə TASS-a məlumat verib.

"İnsanlar Qonaçxır dərəsindən Tumanlı-Kel gölünün ərazisinə aparılıb, onların həyatı üçün təhlükə yoxdur", - deyə nazirlikdən bildirilib.

FHN-in region üzrə mətbuat xidməti daha əvvəl bildirmişdi ki, Qaraçay-Çərkəzdə Teberdinsk Milli Parkının ərazisində yanğınsöndürənlər 5000 kv.m. sahədə yanğını söndürürlər.

FHN, həmçinin qeyd edib ki, ərazidə 64 nəfər və 12 texnika yanğını söndürür.

22 avqust, 22:24

Qafqaz dağlarında güclü meşə yanğını nəticəsində bir qrup turist dərədə qalıb.

Oxu.Az xəbər verir ki, bu barədə "Mash" "Telegram" kanalı məlumat yayıb.

Mənbənin məlumatına görə, 7 nəfər Dombay kurortunda (Rusiya) Qonaçxır dərəsində ilişib qalıb. 40 xilasedici köməyə tələssə də, qatı tüstü axtarışları çətinləşdirir.

Məlumata görə, Qaraçay-Çərkəz dağlarında tüstülənmə barədə ilk məlumat avqustun 21-i axşam saatlarında daxil olub.

Qeyd olunur ki, yaşayış məntəqələri üçün təhlükə yoxdur.