Dünya üzrə neft ehtiyatları son səkkiz ilin ən minimal göstəricilərinə doğru enir. Hörmüz boğazı vasitəsilə həyata keçirilən tədarüklərin məhdudlaşması fonunda bu azalma sürəti mütəxəssislərdə ciddi narahatlıq yaradır.
Oxu.Az-ın xəbərinə əsasən, bu barədə proqnozlar dünyanın aparıcı investisiya banklarından sayılan "Goldman Sachs" tərəfindən irəli sürülüb.
Bankın təhlillərinə əsasən, dünyadakı neft anbarlarındakı mövcud ehtiyatlar cəmi 101 günlük tələbatı ödəmək gücündədir və mayın sonuna qədər bu göstəricinin 98 günə düşməsi ehtimal edilir. "Goldman Sachs" bildirib ki, ümumi neft ehtiyatlarının "bu yay ən aşağı əməliyyat hədlərinə qədər geriləməsi ehtimalı yüksək olmasa da, müəyyən regionlarda və spesifik məhsullarda tükənmə və tədarük zəncirinin qırılması sürəti təşviş doğurur". İnvestisiya bankının mütəxəssisləri qeyd edirlər ki, ABŞ və İsrailin İrana qarşı ehtimal olunan hərbi əməliyyatlarından öncəki 50 günlük istehlak həcmi hazırda 45 günə qədər geriləyib. Həmçinin vurğulanıb ki, asanlıqla əldə oluna bilən neft məhsullarının ehtiyat bazası çox sürətlə kritik aşağı həddə yaxınlaşmaqdadır.
