Ukrayna Silahlı Qüvvələrinin (USQ) Rusiyanın nəzarətində olan Kursk vilayətini atəşə tutması nəticəsində doqquzu uşaq olmaqla 66 nəfər yaralanıb.
Oxu.Az TASS-a istinadən xəbər verir ki, bu barədə Rusiyanın Səhiyyə naziri Mixail Muraşko məlumat verib.
"Rusiya Səhiyyə Nazirliyinin Fəlakət Təbabəti üzrə Federal Mərkəzinin əməliyyat məlumatlarına əsasən, avqustun 6-dan avqustun 8-dək Ukrayna silahlı qüvvələrinin Kursk vilayətini atəşə tutması nəticəsində doqquzu uşaq olmaqla 66 nəfər xəsarət alıb", - Muraşko bildirib.
Rusiyanın Suca şəhəri Ukrayna Silahlı Qüvvələrinin tam nəzarətinə keçib.
Oxu.Az-ın "Nexta Live" kanalına istinadən verdiyi məlumata görə, bu barədə şəhərin "Telegram" kanalı xəbər yayıb.
Bildirilir ki, kanallar "SucaEtoRossiya" heşteqini yaradıblar və onu yaymağı xahiş ediblər.
Rusiya hərbi müxbirləri isə Sucanın bir hissəsinin Ukraynanın nəzarətində olduğunu bildirirlər.
Kursk vilayətindəki döyüşlər haqqında əsas məlumatlar bunlardır:
Sucanın özündə döyüşlər gedir. Hərbi müxbir Mixail Zvinçukun ("Rıbar" kanalı) məlumatına görə, Ukrayna qüvvələri Sucanın qərb yarısını tutub.
"Hazırda döyüş təmas xətti bənd rayonundan keçir - bu, kiçik Suca çayının axdığı ərazidir. Rusiya tərəfindən bu sahəni yerli özünümüdafiə dəstələri də müdafiə edir", - deyə Zvinçuk vurğulayıb.
Hərbi müxbir Yuri Kotenok bildirir ki, yaşayış məntəqəsinin böyük hissəsi Ukrayna qüvvələrinin nəzarətindədir. Sucada tanklar var.
Yuri Podolyak isə Sucada çoxlu sayda ukraynalı əsgərin olduğunu yazıb:
"Suca bizim üçün, ,ümumiyyətlə itirilmiş hesab olunur. Bu, çox vacib logistika mərkəzidir. Düşmən bu üstünlükdən istifadə etməyə çalışır. Sucadan şimala, Lqova gedən yol da var. Düşmən bu yolla da irəliləməyə çalışır".
"Dva mayora" kanalı bildirib ki, Rusiya Silahlı Qüvvələri Ukrayna Silahlı Qüvvələrinin birləşmələrini Korenevo qəsəbəsində dayandıra bilib.
"Rıbar"ın məlumatına görə, Loknya - Nikolski - Viktorovka - Kruqlenkoye xəttində intensiv döyüşlər gedir.
Sosial şəbəkələrdə Rusiyanın onlarla sərhədçisinin təslim olmasının videosu dərc edilib. Görüntülər Ukraynanın "Naxtiqal" batalyonunun "Instagram" səhifəsində yayımlanıb və bildirilir ki, kadrlar avqustun 6-na aiddir.
Kurskun atəşə tutulması nəticəsində yaralananların sayı artdı
Ukrayna ordusunun nəzarətə götürdüyü Kursk vilayətində internet resursları kütləvi haker hücumuna məruz qalıb.
Oxu.Az-ın "İnterfaks.ru"ya istinadən xəbərinə görə, bu barədə regional hökumətin Mətbuat Xidmətindən məlumat verilib.
"Bu gün Kursk vilayətinin internet resursları kütləvi DDoS hücumuna məruz qalıb. Nəticədə bir çox xidmətlər sıradan çıxıb və müvəqqəti olaraq giriş mümkün deyil. Regional Rəqəmsal İnkişaf və Rabitə Nazirliyinin mütəxəssisləri mümkün qədər tez bir zamanda resurslarının fəaliyyətinin bərpa edilməsi üçün səfərbər olublar", - deyə məlumatda bildirilib.
İnternetdə "Vaqner" özəl hərbi şirkətinin (ÖHŞ) döyüşçülərinin Ukrayna ordusunun hücum etdiyi Kursk vilayətinə göndərilməsini əks etdirən kadrlar yayılıb.
Oxu.Az xəbər verir ki, görüntüləri rusiyalı hərbi müxbir Yeqor Quzenko dərc edib.
Videoda yük maşınının arxasında olan "Vaqner"çilərdən birinin öz döyüş yoldaşlarını ruhlandırdığı görünür.
Qeyd edək ki, Ukrayna ordusu ötən gündən Rusiyanın Kursk vilayətinə hücum edib və 11 yaşayış məntəqəsinə nəzarəti ələ keçirib. Hazırda şiddətli döyüşlərin davam etdiyi bildirilir. Ukrayna Silahlı Qüvvələrinin hücumları səbəbindən Kursk vilayətinin sərhədyanı yaşayış məntəqələrindən 3 minə yaxın sakin təxliyə edilib ki, onlardan 1.5 mini müvəqqəti məskunlaşma mərkəzlərindədir.
Kurskun atəşə tutulması nəticəsində yaralananların sayı artdı
Rəylər