Şahzadə Harri ona qarşı hazırlanan sui-qəsddən danışdı: "Məni mühafizə xidmətindən məhrum etdilər"

Şahzadə Harri ona qarşı sui-qəsd hazırlandığını öyrənib.

Oxu.Az-ın xəbərinə görə, bu barədə o, BBC-yə müsahibəsində danışıb.

Şahzadə Harri anası şahzadə Diananın ölümünün təsadüf olmadığına dair sui-qəsd nəzəriyyəsinə eyham vurub. Onun sözlərinə görə, bu əhvalatın təkrarlanmasını istəyənlər var.

"Mən hazırda bu məlumatı açıqlamayacağam, lakin bu prosesə cəlb edilən bütün şəxslərin adları mənə məlumdur", - deyə o əlavə edib.

Şahzadənin sözlərinə görə, məhz hazırlanan sui-qəsd səbəbindən o, mühafizə xidmətindən məhrum edilib.

"Və onlar məni sadəcə olaraq mühafizə xidmətindən məhrum etməklə kifayətlənmədilər, həmçinin dünyanın hər bir hökumətinə siqnal göndərdilər ki, bizi qorumaq lazım deyil", - deyə Şahzadə Harri iddia edib.