İranın "IRIS Dena" gəmisi Şri-Lanka sularında ABŞ Hərbi Dəniz Qüvvələrinin sualtı qayığı tərəfindən hücuma məruz qalıb.
Oxu.Az xəbər verir ki, bu barədə "Reuters" agentliyi adını açıqlamadığı üç ABŞ-li rəsmiyə istinadən məlumat yayıb.
Məlumata görə, gəmidə olan 180 nəfərdən 79-u xilas edilib, 100-dən çox dənizçi itkin düşmüş hesab edilir.
Qeyd edək ki, "IRIS Dena" İran Hərbi Dəniz Qüvvələrinin Cənub Donanmasına məxsusdur. Gəmi bu yaxınlarda Hindistanda keçirilən dəniz təlimlərində iştirak edib.
İranın hərbi gəmisi olan "IRIS Dena" Şri-Lanka sularında sualtı qayığın hücumuna məruz qalıb.
Oxu.Az xəbər verir ki, bu barədə yerli hökumət KİV-i məlumat yayıb.
Xəbərə görə, gəmi Qalle sahillərindən təxminən 40 dəniz mili məsafədə olub. Ümumilikdə gəmidə təxminən 180 nəfərin olduğu bildirilib.
"Reuters"in məlumatında isə qeyd edilir ki, nəticədə 101 nəfər itkin düşüb, azı 78 nəfər yaralanıb.
Məlumata görə, Şri-Lanka hərbçiləri təxminən 30 nəfəri xilas edib.
"Qalle sahillərində təhlükəli vəziyyətə düşən gəminin İrana məxsus olduğu müəyyən edilib. Hərbi Dəniz və Hərbi Hava qüvvələri birgə xilasetmə əməliyyatı həyata keçirir", - deyə Şri-Lankanın müdafiə nazirinin müavini Aruna Cayasekara bildirib.
Xilas edilən şəxslər xəstəxanaya yerləşdiriliblər.
