Ən son xəbərləri bizim "WhatsApp" kanalımızda izləyin

Süd vəzi xərçəngi ilə kəpək arasında əlaqə tapıldı
Hebey Universitetinin (Çin) alimlərindən ibarət elmi qrup kəpəyə səbəb olan "Malassezia globosa" göbələklərinin siçanlarda vəzi xərçəngi şişlərinin böyüməsini sürətləndirə biləcəyini müəyyən ediblər.
Oxu.Az bu barədə Gazeta.ru-ya istinadən xəbər verir.
"Malassezia" cinsinə aid göbələklər insan və heyvanların dəri mikroflorasının şərti patogen sakinləridir. Ümumi immunitetin azalması və piy vəzilərinin fizioloji xüsusiyyətlərinin dəyişməsi halında onlar kəpək kimi dəri xəstəliklərinə səbəb ola bilərlər.
"Malassezia globosa" göbələklərinin əlavə patogen xüsusiyyətlərini müəyyən etmək üçün alimlər onları süd vəzi xərçəngi olan bir qrup siçanın şişlərinə yeridiblər. Nəticələr göstərib ki, bu zaman şişlərin böyümə sürəti artıb.
Tədqiqatçıların sözlərinə görə, bəzi hallarda bu göbələklər özləri döş vəzisinin yağla zəngin toxumasına daxil ola və xərçəngin inkişafına səbəb ola bilərlər. Bununla belə, bu cür təhlükəli təsirin əsasında duran mexanizmlər hələ də aydın deyil. Alimlər ehtimal edirlər ki, "Malassezia globosa"nın fəaliyyəti nəticəsində hüceyrələrə zərər verən və ya orqanizmin xərçəngə qarşı müdafiəsini zəiflədən zərərli yan məhsullar əmələ gəlir.
"Həkim məsləhəti" teqi üzrə xəbərlər
- İngiltərədə iki yaşlı uşaq bir öpüşə görə gözünü itirdi
- Eyni vaxtda həm COVID-19-dan, həm də qripdən qoruyan peyvənd hazırlanıb
- Süd məhsullarından başqa kifayət qədər kalsiumu olan beş gözlənilməz məhsul
- Bel, kürək və başda ağrının səbəbləri - Skoliozun müalicəsi necə aparılmalıdır?
- Bəzi vitaminlərin çox qəbulu orqanizmə ziyan vurur - Həkimdən XƏBƏRDARLIQ