Tailand və Kambocanın xüsusi xidmətlərinin nümayəndələri böyük toqquşmalardan sonra bir-biri ilə danışıqlara başlayırlar.
Oxu.Az-ın xəbərinə görə, bu barədə "Bloomberg" nəşri yazıb.
Danışıqlar avqustun 4-də başlayacaq və iki ölkənin sərhədində yaranan gərginliyi azaltmağa yönəlib. Nəşr qeyd edib ki, bu, Tailand və Kamboca arasında son onilliklərin ən böyük toqquşması olub.
Danışıqların əsas mexanizmi iki ölkənin Baş Sərhəd Komitəsinin iclasıdır və "vəziyyətin həssaslığı" səbəbindən Banqkokun xahişindən sonra neytral ərazidə keçirilir.
