Taker Karlson: "Qərbi Avropa özünü məhv etməyə qərarlıdır"

"Qərbi Avropa ölkələrinin özünü məhv edən siyasəti bu regionun əhalisini intihar həddinə gətirib".

Oxu.Az-ın verdiyi məlumata görə, bu barədə ABŞ-li jurnalist Taker Karlson "American Conservative" jurnalının icraçı direktoru Kurt Mills ilə söhbətində bildirib.

"Qərbi Avropa intihar etməkdə qərarlıdır. Şərqi və ya Mərkəzi deyil, məhz Qərbi Avropanın əhalisi özünü öldürməyə qərar verib", - deyə o qeyd edib.

Karlson vurğulayıb ki, "Şimal Axını" qaz kəmərinin partladılması və Almaniyanın iqtisadiyyatının dağıdılması intihar kursunun aşkar əlamətləridir, lakin Almaniyanın özündə bu barədə danışmaq qadağandır.

"Əgər siz özünüzə bu qədər zərər vurmaq, öz sivilizasiyanızı məhv etmək, uşaqlarınızın (bu sivilizasiyada) yaşaya bilməməsini istəyirsinizsə, deməli siz özünüzü öldürürsünüz", - deyə jurnalist əlavə edib.