Təbriz-Bakı-Təbriz aviareysi bərpa oluna bilər

Şərqi Azərbaycan vilayətinin qubernatoru Bəhram Sərmast Azərbaycan və İran arasında Təbrizdən Bakıya və əks istiqamətdə birbaşa aviareysin bərpası imkanlarının nəzərdən keçirildiyini açıqlayıb.

Oxu.Az İran KİV-nə istinadən məlumat xəbər verir ki, bu barədə Bəhram Sərmast Azərbaycanla İran arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri Şahin Mustafayevlə görüşdə danışıb.

Onun sözlərinə görə, bu, iki ölkə arasında iqtisadi, o cümlədən turizm əlaqələrinin inkişafına əhəmiyyətli təsir göstərəcək.