ABŞ-nin Texas ştatında baş verən daşqınlar nəticəsində azı 131 nəfər həlak olub, 97 nəfər isə itkin düşmüş hesab olunur.
Oxu.Az TASS-a istinadla xəbər verir ki, bu barədə Texas ştatının qubernatoru Qreq Ebbott məlumat verib.
O, əlavə edib ki, hava şəraiti ilə bağlı çayların daşması davam edəcək və əvvəllər zərər görməmiş ərazilər də çətinliklərlə üzləşəcək.
Ebbott həmçinin iyulun sonunda Texas ştat qanunverici orqanının fövqəladə iclasının çağırıldığını elan edib. Məqsəd fəlakətin səbəbləri və bu qədər yüksək ölüm hallarının niyə baş verdiyini araşdırmaqdır.
ABŞ mediası Texasdakı fəlakətin şahidlərinə istinadla yazır ki, onlar təbii fəlakət barədə əvvəlcədən xəbərdarlıq almayıblar.
