ABŞ Prezidenti Donald Tramp İranla qarşıdurmanın aktiv mərhələsinə son qoymağa meyillənir.
Oxu.Az-ın xəbərinə görə, bu barədə "Wall Street Journal" nəşri məlumat verib.
Bildirilib ki, Ağ Ev rəhbəri özünün müşavirləri ilə şəxsi söhbətlərində İrana qarşı əməliyyatın bitməsinin rəsmi elan edilməsinə dair ssenari üzərində işləyir.
Nəşr qeyd edir ki, bu perspektiv Trampın daha cəlbedici gəlir.
"Qapalı qapılar arxasında Tramp əsas köməkçiləri ilə İranla müharibənin bitdiyini elan edib-etməməyi müzakirə edir. Tramp deyir ki, bu ideyaya onun daha çox xoşuna gəlir", - deyə materialda yazılıb.
Buna baxmayaraq, ABŞ lideri Tehrana iqtisadi təzyiqi davam etdirmək niyyətindədir. Onun fikrincə, misligörünməmiş təzyiq altında İran hökuməti ya nüvə proqramını tamamilə ləğv etməyə məcbur olacaq, ya da çökəcək.
Bundan əlavə, ABŞ Administrasiyası daxilində münaqişə davam edərsə, mümkün siyasi risklərdən də danışılır. Bu, ABŞ parlamentinə noyabr ayında keçiriləcək aralıq seçkilərindən əvvəl respublikaçıların reytinqlərinə ciddi zərbə vura bilər.
Yeri gəlmişkən, daha əvvəl Ağ Ev 2026-cı ilin fevral ayının sonlarında başlayan İrana qarşı birbaşa hərbi zərbələr vurmaq kursundan imtina etdiyini bildirmişdi. Bunun əvəzinə, o, Tehranın tədricən iqtisadi "boğulması" strategiyası seçilmişdi. Tramp özü bu kursu "misligörünməmiş miqyasda təcrid" adlandırıb.
