"Rəqiblərimdən qisas almayacağam, qisas almağın ən yaxşı yolu ABŞ-nin uğuru olacaq".
Oxu.Az xəbər verir ki, bunu ABŞ-nin yeni seçilmiş Prezidenti Donald Tramp "NBC News"a müsahibəsində deyib.
"Ölkəmizin uğurlu olmasını istəyirəm, keçmişə qayıtmaq istəmirəm, ABŞ-nin uğuru elə qisas olacaq", - o bildirib.
Trampın sözlərinə görə, ona qarşı bir neçə cinayət işinə rəhbərlik etmiş xüsusi prokuror Cek Smit çox rüşvətxordur, ABŞ Konqresinin Nümayəndələr Palatasının 2021-ci il yanvarın 6-da Kapitoliyə hücumu ilə bağlı vəziyyəti araşdıran xüsusi komitəsinin üzvləri isə siyasi cinayətkarlardır. Eyni zamanda, Tramp onlara qarşı cinayət təqibini təşkil etməyəcəyini bildirib.
