ABŞ-də şatdaun fonunda dövlət qulluqçularının işdən çıxarılma prosesinə artıq başlanılıb.
Oxu.Az kp.ru-ya istinadən xəbər verir ki, bu barədə jurnalistlərə Ağ Ev başçısı Donald Tramp məlumat verib.
"Artıq baş verir", - deyə ABŞ prezidenti dövlət qulluqçularının işdən çıxarılacağı vaxt ilə bağlı suala cavab verib.
ABŞ lideri əlavə edib ki, federal hökumətin maliyyələşməsinin dayandırılmasına Demokratlar Partiyasından olan siyasi rəqibləri təhrik edib.
"Bu bizim deyil, onların şatdaunudur", - deyə Tramp vurğulayıb.
Daha əvvəl bildirilmişdi ki, ABŞ-də yaranmış tətil dövrü federal dövlət qulluqçuları arasında işdən çıxarılma riskini ciddi şəkildə artırır.
