Türkiyə Maşınqayırma və Kimya Sənayesi tərəfindən tamamilə yerli istehsal olan 127 mm-lik 54 kalibrli dəniz topu lüləsi "TCG Fatih" freqatında keçirilən sınaq atışlarını uğurla başa vurub.
Oxu.Az "Türkiye Gazetesi"nə istinadən xəbər verir ki, hazırda ölkədə 76 mm-lik milli dəniz topu istehsal edilir. Növbəti mərhələ olaraq 127 mm-lik milli dəniz topunun buraxılışı planlaşdırılır.
Bildirilir ki, tezliklə Türkiyə bu strateji silah sistemini istehsal edə bilən dünyada azsaylı ölkələr arasında öz yerini tutacaq.
