Türkiyə sakini gənə dişləməsindən sonra Krım-Konqo hemorragik qızdırmasından ölüb.
Oxu.Az xəbər verir ki, bu barədə "Demirören" agentliyi məlumat yayıb.
Müayinə zamanı 21 yaşlı Süleyman Gülsündə sözügedən virus aşkarlanıb.
Bildirilir ki, ölən şəxs Türkiyənin şərqindəki Sivas bölgəsində heyvandarlıqla məşğul olub. O, yüksək hərarətdən şikayətlə xəstəxanaya müraciət edib. On gün sonra onun vəziyyəti pisləşib, buna görə də o, yerli universitetin tibb müəssisəsinə köçürülüb.
Həkimlər anestezioloji reanimasiya şöbəsində müalicə alan gəncin həyatını xilas edə bilməyiblər.
Qaynar xətt:
(055) 224 12 12
