"Əsrin ən yaxşı beyin cərrahı" seçilən professor, türkiyəli həkim Qazi Yaşargil dünyasını dəyişib.
Oxu.Az-ın xəbərinə görə, bu barədə Türkiyənin səhiyyə naziri Kamal Memişoğlu öz "X" hesabında məlumat verib.
"Öz sahəsində apardığı bənzərsiz işlərlə "Əsrin ən yaxşı beyin cərrahı" seçilən professor Qazi Yaşargilin vəfatından böyük kədərlə xəbər tutdum.
O, elmə həsr etdiyi və bir əsrə çatan həyatı boyu hamımız üçün örnək olan çox sayda işlərə imza atıb. Onun xatirəsini yaşatmaq üçün əlimizdən gələni edəcəyik. Məkanı cənnət, məqamı uca olsun", - deyə nazir paylaşımda bildirib.
