Vaşinqton səmasında qəzaya uğrayan təyyarədə dünya çempionları da olublar

Bu gün Vaşinqton səmasında qəzaya uğrayan təyyarənin göyərtəsində 14 nəfər fiqurlu konkisürən olub.

Oxu.Az xəbər verir ki, bu barədə "RIA Novosti"yə ABŞ-li fiqurlu konkisürən Con Maravilla məlumat verib.

"Ad çəkmək istəmirəm, amma təyyarədə valideynlərini də nəzərə almasaq, təxminən 14 konkisürən və bir neçə məşqçi olub", - deyə C.Maravilla qeyd edib.

Agentliyin əldə etdiyi digər məlumata görə, qəzaya uğrayan sərnişin təyyarəsində 1994-cü ildə fiqurlu konkisürmə üzrə dünya çempionları Evgeniya Şişkova və Vadim Naumov da olublar.